Chimen a mawonaj a Likibè (twazyèm mòso)

Douvan …

« Alè, an tou sèl an mwen. An ka fè on èspèktak avè 2 pòpòt : yonn blan, yonn nèg. É an ka dévlopé la notion de la race humaine. I ka bay on moral mé i ka fè moun ri osi. An ka dévlopé asi zafè a Gobineau é travay a misyé Anthénor Firmin. Sé pou wouvè lèspri a moun asi sé biten lasa. É kon sa an ka woulé, é an ka touvé an pli alèz mwen tou sèl.

Osinon, parapòt a lang la, lè zafè a maké kréyòl vin lanmòd la an touvé mwen byen adan sé éléman lasa. Kon an té édikatè a l’I.M.E, an toujou té ka palé kréyòl ba sé timoun la. Aprésa an ay fè dé istaj a L’école Normale osi pou moun vin formateur en illetrisme. An suiv sé biten lasa. Konsa épi osi à la lumière de l’enseignement de Gérard Lauriette, an kontinyé woulé an sans lasa.

Tou sé biten la an vin konnèt an vi an mwen la, lè an vin touvé mwen ka rantré an pofondè an mwen, an dévlopé on biten sé le Lukubérisme. Sé on filozofi avè diféran prensip :

• • • Fò ou konnèt ola ou sòti pou konprann ola ou yé, fò ou konprann ola ou yé pou konnèt la ou k’alé
    • Frit sé frit, pa ni frit ki pi frit ki dòt frit !
    • Adan lavi tou moun itil, pa ni ponmoun endispansab
    • Chak biten vin biten parapòt a on biten

   É dòt ankò. 

Tou sa méné mwen a vin on dòt nonm. An vin on dòt moun.

Dapré mwen, fò nou konprann nou pé pa ka ègzisté si nou ka maché yenki a kalpat dèyè do a sa yo fè’w fè. Konpòwtèman a’w pé pa chanjé siwvwè ou pa chanjé andidan a’w menm menm menm menm. Le bien-être n’est pas extérieur. Mé fò pa ou pè gadé’w. Fò pa ou pè konstaté ola ou té yé. Fò pa ou pè vwè érè pétèt ou fè é gadé pou vansé adan lavi. »

Bout.

 

*****************

 

Kréyasyon a Likibè

Dis :

1980 Luc-Hubert Séjor, Mizik filamonik

1993 Lukuber Séjor, Du premier voyage au retour à Ka

1998 Lukuber Séjor et Vwa pou loué Ka, 1998-1948 : 150^ème anniversaire. Hommage aux marrons de la liberté

2000 Lukuber Séjor et Vwa pou louwé Ka, An blandézyé o ka

2001 Lukuber Séjor, Best of + K-Lòv expérimental

2002 Lukuber Séjor et Vwa pou louwé Ka, Zèl a Bèt-la

         Lukuber Séjor, Pawòl é mizik kon tilili

2005 Lukuber Séjor – Sonny Troupé Best of

2009 Lukuber Séjor é Wakpitak-K, Vandrèdi Chwiii

2006 Best of Lukuber Séjor

2010 Lukuber Séjor, La prière du soldat de la résistance culturelle

  ( ?)  Lukuber Séjor é Wakpitak-K, Vandrèdi Chwiii

Liv :

            1992 Luc-Hubert Séjor, De la diversité des formes … Kakikatéshisaka ?

      2002 Lukuber Séjor é Vwa pou louwé Ka, Zèl a Bèt-la, de sorin à nos jours

Vidéyo :

            2010 Lukuber Séjor é pèp a-y, Mawonaj ispirityèl / Résistance culturelle

            2016 Lukuber Séjor en live au centre culturel Sonis, Biten vin biten + R.H

Zouti pou aprantisaj :

Dis pou aprann konté

1997 Racine a kalkil, médicament pour la mémoire

2001 Lukuber Séjor, Jé pou tèt é dwèt : 37 jédmo asi krab Mòwnalo

2009 Abolo san kalkilèt

Liv

2008 Lukuber Séjor, Abolo 1

                                  Abolo coloriage

2011 Lukuber Séjor, Abolo 2 … Krabiyèlè

         Robert Loyson, An di manman an kalé mayé (on chanté a Wobè Loyson, Likibè fè mété an désen)

2018 Robert Loyson, Kan sirèn-la sonné (on chanté a Wobè Loyson, Likibè fè mété an désen)