Testaman, Ti Sélès
Mwen fèt an gwoka, mwen ké mò an gwoka (×2)
Mwen enmé ritm lasa
Mwen kontan gwoka la
Mwen kontan mizik la
Mwen jalou istil la
Mwen grandi an gwoka, fo mwen véyi an gwoka (×2)
Mwen enmé tanbou la, po a kabrit la
Mwen èsklav a gwoka la
É sé pou sa an ka mò la
Ban mwen tanbou la
Sé tanbou la mwen enmé
Lèwvwè an ka dòmi, sé tanbou la an ka révé
Sé’y mwen pran an pasyon, mwen pa tini pozisyon
On ritm orijinal, sa toutafè nòwmal
A pa tou di, mésyé !, konnyé tanbou
A pa tou di, jwé mizik a moun fou
Tanbou la ni on langaj
Langaj la sé on mésaj
Tanbou la ni lapawòl
I fo pa nou touvé sa dwòl
Jou la an ké mò la, mwen vé pa kòwbiya la (×2)
An vlé kat pòwtè pou menné mwen an senmityè (×2)
Toni, Jimi, Ruddy, zò tandé sa mwen di
Wi papa !
Toni, Jimi, Ruddy, zò tandé sa mwen di
Mwen pa vlé zò pléré
Sé tanbou la pou palé
Mwen pa vlé zò pléré, zanfan !
Sé tanbou la pou palé
La zò ké rivé adan senmityè la, zanfan !
La zò ké rivé douvan tonm an mwen, gason !
Avan zò fouté mwen anba tè la
Zò ké dépozé sèwkèy la, konnyé tanbou la é balansé gwoka la
La zò ké las konnyé ka, zò ké di : adieu papa !
Ou té on nonm rèd, ou té on nonm kòryach
Ou té on nonm solid, ou té on nonm rapid
Ou té on nonm brital mé ou té santimantal
Ou té on nonm a kè, papa
Kè nanm a’w rèpozé an pé
Jou la an ké mò la, mwen vé pa kòwbiya la (×2)
Mwen vlé kat pòwtè pou menné mwen an senmityè
Toni, Jimi, Ruddy, zò tandé sa an ka di
Wi papa !
Toni, Jimi, Ruddy, zò tandé sa an ka di
Mwen pa vlé zò pléré
Sé tanbou la pou palé
Mwen pa vlé zò pléré
Sé tanbou la pou palé
La zò ké rivé adan senmityè la, zanfan !
La zò ké rivé douvan tonm an mwen, gason !
Avan zò fouté mwen anba tè la
Zò ké dépozé sèwkèy la, konnyé tanbou la é balansé gwoka la
La zò ké las konnyé ka, zò ké di : adieu papa !
Ou té on nonm solid, ou sé on nonm rapid
Ou té on nonm kòryach mé ou pa té timid
Ou té on nonm brital mé ou té santimantal
Ou té on nonm a kè, papa
A/C : Aurélien Céleste
Ti Seles *, Disques Debs international, 1982