Nyouz a janvyé 2023
Byen bonjou,
Mwa lasa, nou an lanné 2023 a kalandriyé grégoryen. Sé on nouvo lanné é pou onlo sé on tan pou chanjman.
Janvyé, pou enpé moun, lyanné avè nouvoté. Kifè, yo ka pran tan kalkilé pou désidé ka yo ka chwazi mété atè é ka yo ké fè pou ba vi a yo plis sans.
Tini 3 kèsyon ki pé rédé moun adan on kabéchaj kon tala :
Ola ou yé an vi a’w alè ? Ola ou vlé rivé ? Ki jan ou vlé rivé la ?
Avè répons a sé kèsyon la, apré, sa ki posib sé désidé tan pou chak biten.
Asiré, nou pé fè douvan chak lè nou ka désidé fè’y. Anni gadé listwa a Nèg adan Lézamérik ! Si ni on lison, i ka byen ban nou sé jan tout biten posib. Chenn, fwèt, mové kondisyon a vi pa opozé Nèg kité kilti fò pou jénérasyon ka vin dèyè doubout.
Nou dwètèt fyè éritaj lasa é sav byen sa ki andèwò an nou pa ka fè nou. Sé nou ki pou fè nou ! Nou ki pou ban nou mwayen vansé ! Sé nou ki pou konstwi dèmen an nou !
Annou sonjé sa an koumansman a lanné lasa é pa pè désidé vwè pli lwen pou ay pli mwen ! Sé an lèspri tout biten ka konmansé pou apré vin réyalité. É lèspri kon kò bizwen bon nouriti pou pé byen. Alòs, annou gadé byen byen byen byen byen sa nou ka kité pran plas an kabèch an nou é annou aksèpté pèwmèt nou grandi toujou plis an monn la nou adan’y la !
Chimen pa’a toujou tou dwèt, menm jan tini monté ka ni désann, mé détèwminasyon sé tout ! Annou sonjé sa !
Sé té ‘Mwen menm mwen menm an mwen’ pou nyouz a mwa lasa avè Sayanns.
Gadé vidéyo la : Nyouz a janvyé 2023
