Kat pawòl

Mwen fè konésans èvè’w yè, mé sé konsidiré sé té jòdi

Ou fè konésans èvè’y jòdi, mé sé konsidiré disparèt pran mwen blip !

Yè é jòdi sé dé branch adan Lélé-bwa a Lavi ?

An pa bizwen yè an mwen vin sèl jòdi a’w

An pa bizwen jòdi a’y fin kon on ti fifin lapli apré gwan solèy

An té’é enmé pyébwa lanmityé a’w touvé on nich pou nou dé

Si pyébwa lanmityé a’w pran on kout siklòn ki pliché tout branch a’y

An pé konprann pa gè ni plas men ou pé palé ban mwen

Palé franchman jòdi kon vou é mwen té ka fè yè

Sé zyé an zyé, kè an kè tou sèl ké pé géri konésans an mwen ou fè yè ki ka fin jòdi

S_exPӔnsée‾r
Latilyé Maké ansanm, avril 2022