Démounaj é rèmounaj, Lukuber Séjor

Listwa a pèp an nou é travay ki ka fèt jis alè pou kontwolé konsyans a moun, fè Likibè Séjò kréyé mo « démounaj » pou palé asi lalyénasyon é konsékans i tini asi pèp. Pou’y, si sé vré byen ni la on réyalité, fo pa nou konsidéré sé on vérité ki kon lajòl san klé. Parapòt a chimen i suiv avè tanbou, kalkil asi sosyété, kilti é ispiritiyalité, i ka envité wouvè zyé gran gran gran asi mannyè pou chalviré sa ki la é ki ka opozé nou vansé avè tout grandè ki ka fè nou. Avè Démounaj é rèmounaj, nouvo liv a’y, i ka pozé pwoblèm a sa dominasyon a on pèp asi on lòt ka kréyé, mé osi i ka bay sa i ka konsidéré pou’y sé solisyon é vwa a libèté chak moun pé pran. Liv lasa ka wouvè nouvo pòt pou kréyé bokantaj a pawòl séryé asi sa ka fè sosyété é konpòtasyon a moun Gwadloup, é a dòt téritwa ola pèp viv o ka viv on dominasyon. Moun ki Gwadloup pé achté Démounaj é rèmounaj an biwo a Likibè ki Lapyétòn Lapwent lé sanmdi maten, 7è pou midi é lé dimanch maten, menm lè, an vil Sentàn an lòt biwo a’y ki Boulva Ibéné.

Dékouvè plis anlè Lukuber Séjor avè :

– https://www.sayanns.com/chimen-a-mawonaj-a-likibe-premye-moso/

– https://www.sayanns.com/lukuber-sejor-ispiritiyalite-e-tanbou-pou-fe-douvan/