An kreyòl, Endy Saint Jean
Endy
An kreyòl ! (× 2)
Si lekòl te fèt an kreyòl
Nou t ap fò
Si devwa n, leson n t an kreyòl
Nou t ap fò
Si nou te konn resite an kreyòl
Konpoze an kreyòl
Liv nou yo t an kreyòl
Nou t ap fò
(× 2)
Pouki lang nou plis pale a
Se pa li yo anseye a
Mo n pa menm ka repete a
Li y ap fòse n etidye a
Lang depi n piti n pale a
Lekòl , li yo plis maltrete a
Lang ki te ban n libète a
Se li yo pa rèspèkte a
Leson yo nou pa konprann
Yo djòs fè n boure l nan tèt
Resitasyon nou pa konnen l
Yo pran nou ak kou t fwèt
Pou elèv ki metrize fransè
Se vre, ou ka jwenn kèk
Depi w tande dikte nan klas
Tout elèv sispèk
Pou ekzamen, se fransè n ka wè
Ki fè n pran plis echèk
Malgrè dèfwa pou n al lekòl
Paran n oblije fè kèt
Pandan y ap debarase lang yo
De mo laten ak grèk
Nou menm n ap meprize pa nou an
Pou n fè pa yo a mèt
Si lekòl te fèt an kreyòl
Nou t ap fò
Si devwa n, leson n t an kreyòl
Nou t ap fò
Si nou te konn resite an kreyòl
Konpoze an kreyòl
Liv nou yo te an kreyòl
Nou t ap fò
(× 2)
Depi nan setyèm ane
Yo pa fòme n pou n rete
Swivan edikasyon n
Nan lòt peyi nou dwe ale
Fransè toujou sou plis pwen
Nan tout èkzamen n pase
Rive nan twazyèm
Afè kreyòl la li kanpe
Pou n al pi lwen menm nan
Biwo leta oubyen prive
Si w pa kale je w
Ou ka panse se an Frans ou rive
Depi w antre w ap wè
Se fransè ki sèl kòk chante
Poutan yo fè m konnen
Se 2 lang nou pale
Yo fè fransè tounen lang salon
Kreyòl lang mache
Tout liv nou an fransè
Literati n pa epanye
Nèg ki fè n soufri
Menm literati yo n etidye
Se pa fò n pa fò
Men fransè fè n manke eklate
M pa di nou pa pale l
Men bay kreyòl priyorite
Kreyòl lakay li
Fransè pa kap danse sou 2 pye
Seremoni Bwa Kayiman
Kreyòl tout Nèg pale
Poutan nan lekòl nou yo
Kreyòl, yo pa vle n pale
Kreyòl la se lang pa nou
Se li nou pi meprize
Poukisa nan lekòl nou yo
Se li yo pa vle n pale ?
Si lekòl te fèt an kreyòl
E !
Si devwa n, leson n t an kreyòl
E !
Si n te konn resite an kreyòl
Konpoze an kreyòl
Liv nou yo t an kreyòl
Nou t ap fò
Si lekòl te fèt an kreyòl
Nou t ap fò
Si devwa n, leson n t an kreyòl
Nou t ap fò
Si nou te konn resite an kreyòl
Konpoze an kreyòl
Liv nou yo t an kreyòl
Nou t ap fò
Pou kou n yo an kreyòl
Nou vle peyi a an kreyòl
E !
An kréyòl ! (× 5)
A / C : Endy Saint Jean