Kalbas Dyalèktik, Mano D’iShango
Rap, wonm vyé, èvè siga
Klasiko kon pli gwo match a la Liga
Kon di Jamal sé art de vivre et musique,
À l’ancienne : on mikwo, on fèy, èvè on pwentbik,
Yes ! Èspésyal, èstétik,
Nou ka fè’y on mannyè : diyalèkt, diyalèktik !
Popilè kon kantik, fondal mékanik kantik,
Nou an mitan a sèwkl la mè nou èksantrik !
Check it ! Mésaj kodé mizik, Harriet Tubman,
Pou libéré jenn ki an pach kon fwomaj an cheese nan !
On bénédisyon nou toujou la si tanbou la,
Lanmou la, lenspirasyon, gason ! nou ka rann gras pou sa
Poézi mémwa kon mwa mé, syans boula,
Zétwal nwè la ka briyé kon ta Kwamé NKrumah,
Limyè a’y ka kléré tout timoun dyaspora, an té la,
An ka kaskòd kon kilonmbola !
(Pawòl a misyé Henri Bernard)
Kouté, tann, gadé jan nou ka palé,
Lanné pasé, lanmou la fè nou pa lagé
Prèv vivan ipòp pa kenbé promès a’y,
Menm si ni onlo, ki fè lajan èvè konmès a’y !
Géryé maasaï, èvè on lay a Jedi,
Ka travay, ka simé grenn, kon Wangari Maathai,
Si jénès an détrès ki jan ou pé ni èspwa ?
Pé ké ni mirak, menm si nou sav fè èksplwa !
Sé tan a fè lajan vit, fè lajan right quick,
Èvè biznès ilisit, biznès pwodui tòksik,
Lajan rantré dènyé fwa yo koupé pyébwa,
Lapli pé ké tonbé dènyé fwa sé té dènyé fwa !
Ka sa vlé di disparisyon a sé gyèp la ?
Malédisyon si séla ka spékilé si pèp la,
Bénédisyon si tout pèp yo ka fréné èvè dèt la,
One Love, ba tout jénérasyon an vant a bèt la !
(Pawòl a misyé Henri Bernard)
A : Tysmé
Mano D’iShango, Kako tèknik, 2016