Longan, Hector Poullet

Menm si délè

ou vwè

mankankwen

pran lanmen

si lyann dous

adan janden a kyè a-w

 

Menm si délè

zyé a-w wouvè

asi on kounan mansényé

ki ka gangné bòdlanmè

a vi a-w

 

Menm si délè

zyé a-w plen dlo

kon kyòlòlò

davwa ou pèd lakat

davwa lavi an tòch

davwa péyi-la klè

davwa tou sa byen fyè

davwa ou an kòlta

davwa ou las tété chyen

davwa sèl konpè ou té tini

mété’y ka pran zo kon larèstan

davwa ou pa sav ka ki koko

é ka ki zabriko

            Chonjé frè

            Chonjé

            Anni lanmò pa ni rimèd

 

            TOUT BOBO TINI LONGAN

 

Hector Poullet, Pawòl an bouch, Éditions Émile Désormeaux, 1982

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.