Lèsklavaj, Indèstwas Ka
Davwa lalibèté, davwa ladinyité
Davwa tout nonm sé nonm, Nèg èsklav révòlté yo
Davwa lalibèté, davwa ladinyité
Davwa tout nonm sé nonm, Nèg mawon libéré yo
Monté o pawlèman pou nou konté péché a yo
Kriyé yo a lasanblé pou nou ba yo vèwdik an nou
Déklaré lèsklavaj krim kont limanité
Alé kriyé yo o séna, lè la vin pou yo réparé
Davwa lalibèté, davwa ladinyité
Davwa tout nonm sé nonm, Nèg èsklav révòlté yo
Davwa lalibèté, davwa ladinyité
Davwa tout nonm sé nonm, Nèg mawon libéré yo
Éwopéyen yo vini débaké an Afrik
Yo alé chèché Nèg pou yo té dépòté yo
Yo fè yo vwayajé adan kal a bato la
Lèwvwè yo rivé o Zantiy, yo mété Nèg an èsklavaj
Davwa lalibèté, davwa ladinyité
Davwa tout nonm sé nonm, Nèg èsklav révòlté yo
Davwa lalibèté, davwa ladinyité
Davwa tout nonm sé nonm, Nèg mawon libéré yo
Nèg pa té ka konté, jou kon lannuit té maltrété
Nèg pa té ka konté, tou lé jou fo yo té goumé
Sé té travay fòsé, sé té fwèt ka palé
Pawòl é fyèwté a yo, sé té : lanmò ou libèté
Davwa lalibèté, davwa ladinyité
Davwa tout nonm sé nonm, Nèg èsklav révòlté yo
Davwa lalibèté, davwa ladinyité
Davwa tout nonm sé nonm, Nèg mawon libéré yo
Lé blan pwoklamé labolisyon a lèsklavaj
Afòs nèg té ja goumé pou té sòti an èsklavaj
Tout frè é sè an nou, yo té ja révòlté yo avan
I fo pa nou obliyé yo mò doubout o konba
Davwa lalibèté, davwa ladinyité
Davwa tout nonm sé nonm, Nèg èsklav révòlté yo
Davwa lalibèté, davwa ladinyité
Davwa tout nonm sé nonm, Nèg mawon libéré yo
An ka mandé Delgrès ki mò pou raché libèté
An ka mandé Ignace ki mò pou raché libèté
Pou yo voyé asi nou kouraj é dinyité a yo
Pou vwè si an tèt an nou, nou osi nou ké libéré nou
Davwa lalibèté, davwa ladinyité
Davwa tout nonm sé nonm, Nèg èsklav révòlté yo
Davwa lalibèté, davwa ladinyité
Davwa tout nonm sé nonm, Nèg mawon libéré yo
Siwvwè lé mò té pé vwè nou asi latè
Solitid é Masoto té’é gadé nou anba syèl blé la
Yo té ké kriyé nou :
– Pitit an nou, zanfan an nou
Libèté sé pli gran viktwa nonm é fanm pé gannyé si latè !
Davwa lalibèté, davwa ladinyité
Davwa tout nonm sé nonm, Nèg èsklav révòlté yo
Davwa lalibèté, davwa ladinyité
Davwa tout nonm sé nonm, Nèg mawon libéré yo
Sé gras a Nèg mawon si nou ni on pèsonnalité
Sé gras a Nèg mawon si jòdijou nou pé palé
Sé gras a Nèg mawon siwvwè yo ka rèspèté nou
Sé fòs a Nèg mawon ka kenbé nou asi lé pyé
A/C : André Broussillon
Indèstwas ka, Mové tan, Hibiscus records, 2000