Kreyogene

Adan mannèv moun ka pòté Matinik pou voyé lang a lilèt la monté, tini travay a Kreyogene. Dépi out 2023, asosiyasyon lasa ka woulé pou fè viv lang la on lòt mannyè. Yo kréyé jé ki pé sanblé ki jenn ki gran é fè yo viv on èspéryans nouvo avè lang la.

An koumansman a lanné 2025, la yo ba travay a yo on lòt balan avè Kréyospot, on sit pou moun pé aprann lang la kisiswa nivo yo tini, é osi jwé épi’y, avè konnèt plis asi’y. Kalité a sé kréyasyon la ka fè sé on plézi itilizé sit la é vwè sa ki anlè’y.

Kréyospot tini osi on chenn anlè YouTube, yonn asi Whatsapp, é yo asi lé rézo. Kidonk, moun pé chwazi mannyè yo pisimé pou suiv sa yo ka mèt dèwò.

Mi on lyen pou dékouvè piplis travay a asosiyasyon lasa : https://www.kreyogene.com/fr